蝦蝦燒 (Closed)

之前試過佐敦嗰間，得知荃灣都開咗分店即刻去試吓～兩個鐘頭任飲任食，時間充足，而且好玩又好食😋流水蝦好生猛，自己揀選之後夾入冰桶，之後就燒嚟食！肉質爽口彈牙而且蝦頭有膏～海鮮區超吸引！有鮑魚、扇貝、貴妃蚌、各款魚、生蠔等等，款式多樣，而且好新鮮！尤其是係鮑魚仲要郁郁下㗎～另外自助區仲有各款串燒可以自己夾，豬牛羊雞魚蔬菜全部齊全～個人就鍾意台灣腸、多春魚、雞軟骨同埋菠蘿🍍雪糕汽水都係任飲任食，有多款唔同嘅台灣飲品，例如仙草凍、蘋果紅茶等等，無糖茶都有幾款可以選擇㗎！員工服務又好，會教你點樣燒，而且不時收走垃圾，主動積極。整體來講覺得呢一間質素仲好過佐敦店，下次再嚟食！