校長燒肉日韓料理 (沙咀道) (Closed)

好耐無食任食既餐廳，見呢間校長燒肉openrice咁多好評，今日又係星期日，決定唔煮飯去食好野😄😄😄侍應安排好座位後，馬上爭取時間出去拎野食！嘩！呢度係超級多野食選擇！我未試過食一間餐廳係有咁多野食！好誇張，生肉、丸類、餃類、沙律、串燒、中菜、壽司、魚生、點心、湯、糖水。仲有好多飲品選擇，啤酒都有好多款，仲要有10幾種花茶！甜品都有10幾種！野食多到係我行左四五轉先坐低食野呢度同時間可以燒烤同埋打邊爐，不過重點都係燒烤，我最鍾意呢度有好幾款魚可以燒烤，其他地方比較少有。一口牛同埋牛仔骨都唔錯！如果諗唔到食咩黎呢度就啱喇，呢度咩都有！