同朋友想吹水傾計兼食個靚飯，但一個想食川菜，一個想打邊爐，一個想食烤魚，完全夾唔到 😾 但原來依家荃灣開左一間川菜館，做到烤魚、火鍋、小菜三大訴求‼️ 咁大家就唔洗拗，直接去食就得啦 🙌🏻
👅 激戰火鍋套餐 ( $ 278 / 位 )
任食任飲套餐 😱
首先係雞煲同烤魚入面選擇左蒜蓉泡椒味湯底烤魚，一上枱就見到大大既兩條魚浸泡係紅湯入面 🎏 所幸湯底唔太辣，魚肉多而結實，食極都食唔完咁 😆
食完烤魚後就開始打邊爐啦 🫕 菜單上一共十一種火鍋配菜可點選， 海龍皇海鮮拼盤齊哂鮑魚、青口、海蝦、蜆等海鮮，鍾意食海鮮既人就岩哂啦～另外要大大推薦安格期牛肩胛，牛肉雪花片片，煮沸後軟身帶強烈牛味，好正‼️
除左菜單上既配菜，餐廳亦有自助吧比客人去夾選想要既蔬果、肉類及調配醬汁～
呢個套餐最癲既係，烤魚套餐120分鐘內客人可以任點30多款川菜，重點係任食，唔怕冇得食，最怕你食唔哂 🤡
叫左一碟京蔥牛肉同手撕包菜，以為呢啲任食多數會伏，但成餐最出色竟然係呢啲小菜 😱😱 兩碟都有火喉又有鑊氣，調味正正有川式口味，睇返餐廳介紹，原來師傅有多年川菜經驗，難怪咁正宗 ❤️🔥 可惜已經比火鍋塞飽肚，無力再戰 😣
食到飽肚，去埋自助區拎雪糕食，咁就完左豐盛既一餐～～～下次再戰過！🔥🔥
▫️◾️▫️◾️▫️◾️▫️◾️▫️◾️▫️◾️▫️◾️▫️
城南香廚 (荃灣)
📍荃灣大河道19號周氏大廈1樓
