一鼎‧台式火鍋 (MOSTown新港城中心(4期))

Open Now

Now Closed

作為馬鞍山街坊，一路都知道馬鞍山出曬名係美食沙漠不過今次竟然喺新港城中心搵到一間唔錯嘅台式火鍋，大家都可以試下～我地叫左2人 120分鐘吃到飽澳洲200日穀飼牛火鍋套餐，除左澳洲200日穀飼牛同其他指定肉類可以任點之外，佢仲有好多台灣小食可以任點，而出面仲有好多不同菜、麵類、其他火鍋配料、飲品同埋軟雪糕可以自己攞，超豐富。最特別係，呢度竟然可以叫台式手搖茶，有幾款飲品係可以任飲～我地揀左一個燻鰹魚湯底，佢除左燻鰹魚之外仲有海帶，好有日式feel；另一個湯底我地揀左QQ 骨膠原湯底，佢係用豬骨湯熬，感覺真材實料除左澳洲200日穀飼牛之外，我地都叫左澳洲純和牛、一鼎穀飼牛。三種牛都好出色，而我個人最中意一鼎穀飼牛，尤其係因為佢切到超薄，食落口有種入口即溶嘅感覺另外我地都叫左海鮮例如海蝦、大蜆，佢地新鮮得黎又無腥味；仲有不同丸、小食，個人認為比較出色嘅有粒粒蟹子花枝滑同露筍和牛串。