和牛燒肉一郎 (百誠大廈)

Open Now

Now Closed

每一個月我都要會最少搵一餐食燒肉，因為好喜歡燒肉香味，熱辣辣放入口，非常滿足。佐敦有一間主打日本直送多款優質和牛，最開心就係一個價錢120分鐘任點任食。食物種類款式多，沙律甜品飲品任食。我就選擇B款平嘅價錢$448，五六日及公眾假期$498。點好餐, 店員有禮送上圍裙及兩款牛肉拼盤，拼盤用木船上仲有煙出，即刻打卡，牛肉分別有牛肋條，牛里脊肉，牛肋肉，雞肉，五花腩、帶子及生蝦。牛肉新鮮, 我喜歡吃薄脊牛肋肉，脂肪比例均勻，肉味濃, 肉質鮮嫩。仲有牛舌，有鹽燒或者不同調味，其他肉類選擇之多，如果每樣食一片都一定超飽😂飲品除咗有汽水，果汁冰茶，熱茶包，仲有可以加錢$68 放題啤酒，或者加$88 啤酒及sake。喜歡飲酒一定要叫呢個超抵!最有特色嘅就係送餐列車, 小朋友見到一定最開心。order 食物等一兩分鐘已經送到非常之快捷。食完最開心就係去揀甜品雪條，成個櫃都係仲有唔同口味，我揀選紅豆牛奶雪條，食埋支雪條完美的句號。