緣聚 (Closed)

元朗好少放題餐廳選擇，緣聚個位置係比較偏僻，係後巷入面，唔行入去係唔會見到，估唔到餐廳都幾大，裝修好光猛，仲帶有日式風格，有富士山既畫同埋日本既街道畫，仲有日式榻榻米卡位。放題夜晚價錢，$288/位起，有110款食品、飲品、甜品，可以任食2小時，另外加$190仲可以升級到130款食品，有任食生蠔、海膽手卷等，呢個價錢仲有生蠔、海膽食，CP值確係幾高。刺身有赤蝦、榮螺、帶子、三文魚、油甘魚、北寄貝、吞拿魚、深等等，熱食都好多款，熱食都好多款，而且串燒燒得特別惹味，最愛佢既鰻魚西京燒。飲品除左有飲品櫃自取既飲品之外，仲可以點一杯杯既飲品。甜品仲有朱古力心太軟、布甸、雪糕等等。