Video
Read full review
2023-10-25
45 views
過完中秋節，一年一度的大閘蟹又開鑼，每年都會同朋友一齊食大閘蟹，今年朋友話搵到一間任食好抵，除咗任食大閘蟹，仲有雞煲及蒸海鮮，咁抵食梗係去試吓啦~ 餐廳位於油麻地家樂坊，地點非常方便，一上到就見到好多人等入座，餐廳平時是做任飲任食雞煲、海鮮及火鍋放題，平日都已經座無虛席。🌟88分鐘大閘蟹任食任食放題 🌟 放題價錢根據大閘蟹的大小而有所不同，分別是: 細蟹: 3-4両 (HK$479/人起) 中蟹:4-5両 (HK$569/人起) 大蟹: 5-6両 (HK$669/人起) 特大蟹: 6-7両 (HK$829 /人起) 我同朋友揀咗中蟹，一落完單，食物很快就上枱，先來雞煲，雞煲惹味，而我地本著乜都試既策略，所以每樣嘢都叫少少試 🔸前菜：有3款小食，包括涼拌皮蛋、墨魚餅、沙律，開胃小菜，食住等出爐大閘蟹😋 🔸蟹粉小食： 蟹粉小食可以限時內無限追加，包括：蟹粉粥、蟹粉糯米飯、蟹粉時菜、蟹油多春魚、蟹粉牛丸、蟹粉蔬菜丸、蟹粉蝦丸及蟹粉水餃。 每樣都唔錯，當中蟹粉粥及蟹粉糯米飯千祈唔好錯過！糯米飯上枱時熱辣辣，味道調味得剛剛好，好味 😋 而粥蟹就鮮甜，而且好綿，食完蟹食番一碗，正
餐廳位於油麻地家樂坊，地點非常方便，一上到就見到好多人等入座，餐廳平時是做任飲任食雞煲、海鮮及火鍋放題，平日都已經座無虛席。
🌟88分鐘大閘蟹任食任食放題 🌟
放題價錢根據大閘蟹的大小而有所不同，分別是:
細蟹: 3-4両 (HK$479/人起)
中蟹:4-5両 (HK$569/人起)
大蟹: 5-6両 (HK$669/人起)
特大蟹: 6-7両 (HK$829 /人起)
我同朋友揀咗中蟹，一落完單，食物很快就上枱，先來雞煲，雞煲惹味，而我地本著乜都試既策略，所以每樣嘢都叫少少試
🔸前菜：有3款小食，包括涼拌皮蛋、墨魚餅、沙律，開胃小菜，食住等出爐大閘蟹😋
🔸蟹粉小食：
蟹粉小食可以限時內無限追加，包括：蟹粉粥、蟹粉糯米飯、蟹粉時菜、蟹油多春魚、蟹粉牛丸、蟹粉蔬菜丸、蟹粉蝦丸及蟹粉水餃。
每樣都唔錯，當中蟹粉粥及蟹粉糯米飯千祈唔好錯過！糯米飯上枱時熱辣辣，味道調味得剛剛好，好味 😋
而粥蟹就鮮甜，而且好綿，食完蟹食番一碗，正 👍🏻
🔸大閘蟹：
清蒸大閘蟹大家都知道咩味道，但這裏仲提供3 款惹味口味，包括麻辣、鹽焗及酒釀，總有一款啱你，啱晒鍾意重口味人士。至於清蒸大閘蟹則鮮甜，不論公乸每隻都好好膏，而且即叫即蒸新鮮熱辣👍🏻
🔸蒸海鮮拼盤
食大閘蟹到差不多尾聲，店員就會送上海鮮，海鮮包括鮑魚、魷魚、帆立貝、貴妃蚌、勝瓜、粟米及烏冬，配上惹味蒜蓉粉絲，味道更惹味
🔸仲有陳年花雕、薑茶提供，食完仲有甜品—花奶紅棗桃膠，滋潤養顏
Post
