八幡屋日本料理 (Closed)

日本任食放題一向喜歡，而價錢優惠又有海膽選擇嘅放題就唔係好多啦！朋友介紹了八幡屋，同家人一起去試試！可能係旺角嘅關係環境較迫，枱與枱之間嘅距離較近，針冇兩頭利，最重要係食物質素先來刺身拼盤，一啲都唔馬虎，三文魚吞拿魚新鮮美味，甜蝦鮮甜，一大盤上任你吃個夠，另外奉送嘅叫壽司精美，當然味道亦不錯，其中一件仲有金箔鋪面！一心為了海膽而來的，當然不錯過海膽壽司，海膽份量比預期少，任食嘅關係可以補償番！食物嘅份量安排得好好，令食客不會浪費食物。同家人一起，仲加多＄50升級，可以叫埋赤蝦刺身，生蠔，珍寶帶子刺身，叫兩轉都可以回本！食物種類好多總有一款啱你口味，焦糖菠蘿正！成晚感覺店員服務殷勤，上菜速度一流，不會漏單，數量不會減少，以呢個價錢實在抵食。