豐鍋日式涮涮鍋 (Closed)

🔸米國Prime特選牛肉 · 黑豚肉放題套餐 $228.今晚去搵個喺沙田石門返工嘅frd食飯，當然係作為地頭蛇嘅佢帶路啦！佢就帶咗我去食間任飲任食嘅日式涮涮鍋打邊爐，仲係一人一鍋衛生啲。入座前先每人揀咗一款湯底先，六種湯底入面我揀咗北海道昆布湯，朋友就揀美肌牛乳湯，套餐揀咗中間價位嘅米國Prime特選牛肉、黑豚肉set。牛肉、豚肉可以無限refill，呢度嘅牛肉質素幾好啵，肥瘦適中有牛味，我哋encore咗5底。除咗豬牛之外仲有非常豐富嘅自助區可以隨便揀，想讚吓選擇真係幾多，丸類、蔬菜、菇等等任君選擇，少見嘅仲有雞肉同青口任食。飲品都係任飲，汽水、茶、果汁，連啤酒都係任拎任飲，擺滿三大個雪櫃。飯後甜品竟然仲有我愛牌Movenpick雪糕，仲要係任食！仲有一樣特別就係有糖果區，珍寶珠、棉花糖、果汁糖任食，幾有趣～仲要讚下呢度店員服務幾殷勤，收吉碟速度快手，見你食完牛肉會主動問你需唔需要添加，仲會主動幫你加湯。