和牛燒肉一郎 (寶漢大廈) (Closed)

和牛燒肉一郎呢間日式燒肉放題，Bookmark左好耐，終於約到食肉獸一齊去食，銅鑼灣分店響正銅鑼灣站 C 出口對面，好易搵👍 🖍我哋第一次食，見到餐牌分 A 至 F 餐，揀咗B餐$398套餐 ，包60幾款特選食物任食兩小時。 🖍揀咗餐後，首先送上精美綜合船，上面有特選牛、豬雞、海鮮等,食完頭盤，再用手機QR Code落單追加叫其他野食（蔬菜、多款日韓式小食、拌飯、卷物、前菜…）另外有自助沙律吧、飲品自己拎。🖍B餐特選牛有（牛肋肉、牛肋條、牛里脊肉、薄炙牛里脊肉、牛外橫膈膜、熟成壺漬牛外橫膈膜、兩色葱花牛舌、薄切上等牛舌芯..等十款牛啱晒食肉獸😋 🖍時間有限，追加一定要識揀牛里脊肉和薄炙牛里脊肉，牛舌芯..快😂😋🖍溫馨提示：同一般放題一樣，用餐時間為120分鐘，到最後30分鐘系統會不能落單，留返最後半個鐘慢慢食佢地啲炸物（牛肉可樂餅👍）、小食、日本雪條、雪糕杯、紅豆夾心鯛魚燒同甜品，已經飽曬😋🥰🖍整體環境同服務滿意，半個鐘內過黎幫我地換燒烤鐵網，而且食物上菜時間亦快又冇漏單。店舖乾淨企理，卡位枱面夠大，夠晒位放野食，角落頭兩張枱可以坐到12人坐埋一邊燒超級開心🥳 燒肉放題分為 A 至 F