結果感覺不如預期
我地比較中意食早飯,所以訂左枱7點,我地6點九就到門口,咁服務員就好快有枱比我地,
入到去客人唔算多,地方好淺窄,枱同枱之間等同零距離..噢..好迫,有點失落
茶未開,.服務員就一直問係任食定係單點,我地因人未齊所以未落決定
服務員就話如我地決定任食的話,就要入坐開始計鐘喎…
我地當時真係未齊人,見佢落單心切,唯有打電話問LA,最後決定選任食
之後服務員好快拎張任食的點菜紙比我地,仲有一盤我勁中意的調味架!!
情況好分秒必爭~好有壓迫感~ @_@ 食餐飯姐…
朋友好快黎齊,混好晒醬開始點湯底同點菜
當晚有少少涼意,我地點左個胡椒豬肚湯 – 諗住可以暖下胃,火辣一下~
點知一D都唔辣,冇左應有的刺激感覺,有點失望
至於火煱料方面,可能係因為我地選擇任食關係,感覺上除左蔬菜木耳豆製品係新鮮靚仔之外,
好多材料都唔係太靚,手打魚丸就好細粒,可能預佢烚起後會發大,
炸魚皮唔要求係即炸好脆,但實在好硬,感覺放左好耐,有點發黑.,.
粟米就最搞笑,黎親都係頭頭尾尾,中間位就一節都唔見,
任食部份肉類同種類的選擇較少,服務員話如要多D款式,就要另加錢(單點),
海鮮品種更不在話下~只係有魚片同蝦可點,其他都要加錢..
我地唔算係食肉獸,所以要求唔高,牛肉出品尚算可以,全枱最正係芝士牛肉丸
相信因為佢單點同任食都係同一出品,所以唔會差太遠~!!
一咬開粒丸入面D芝士真係會爆出黎,超開心~!!點多几次都抵~!
重點係...他日有朋友話要去呢間的話,我強加建議佢地唔好任食,單點的話會更滿足~!
