二鍋頭 (嘉芙中心)

Open Now

Now Closed

好耐之前就喺旺角食過呢一間，見佢尖沙咀開咗分店，地方又幾就腳，就約咗朋友上去食喇😋我地係星期三去食，所以$198就可以任食2.5 個鐘，呢間嘅特色係佢有黑椒豬手煲，可以任食3款煲之後再打邊爐，咁梗係首先試新野啦✌🏻等咗10分鐘左右，個豬手煲就上黎啦～ 香噴噴熱辣辣，觀察過豬手都冇毛，食落都入味同肥美，不過我朋友就略嫌有少少辣，（佢都真係好唔食得辣），成煲我食晒咁濟😂到打邊爐時段 佢地嘅炸魚皮十分推薦，揀嘅番茄薯仔濃湯底都好新鮮最鐘意係佢嘅泰國雪條‼️一開始以為唔好味，點知佢個芋頭雪條係香滑濃郁，出面白色部分係椰子🥥，入面就係香芋，佢仲有榴槤同紫米味，推介推介❤️