火水爐花膠館 (Closed)

是晚約了元天屯的朋友聚一聚，地點選了在屯門的火水爐打邊邊，朋友聚會食放題就最易計，位位$298任飲任食。懷舊式裝修，枱與枱之間有一定空間，感覺蠻不錯。電池爐火力夠，好快就滾。醬料（$13/位），有芫荽，蔥，辣椒，花生醬等。坐低後不久店員送上餐前小食，是炸魚蛋同炸燒賣，幾好味，但四人份似乎有點多，一碟大約有30+魚蛋＆20+燒賣，食極都食不完，哈哈。湯底選了店家名物濃厚花膠雞湯鍋，賣相很吸引呢。花膠一人一片，好滑溜。鍋內還有雞半隻，蘿蔔等，湯底清淡，正好食到食材的原味。牛小排，勁靚！任食靚牛正呀，大量encore！！海鮮盤有蝦，蠔，蜆，墨魚滑同鯇魚片，賣相豐富。蠔熟左都無縮水㗎，大大隻夠肥美。響鈴，豆制品等，較特別嘅皮蛋都有，哈哈，勁愛皮蛋喎。唐生菜綠油油飲品較遜色，只有汽水，想喝無糖飲料就只有zero了。甜品是涼粉冰，正正正，可以添加的啊～仲有好多火鍋料沒一一拍照了，味道還不錯，但要注意份量，即使只填“1”份還是會來一大盤，加上鍋內有30+蘿蔔件，蔬菜方便建議先吃完鍋內蘿蔔再添加，免得浪費食材啊。