Daily 13 (Closed)

見到社交平台話$1蛋糕放題做到11月尾，趁住仲有依個優惠嚟食多次~我哋加咗$68要套餐，餐湯係櫻花濃蝦湯，依然係有足料嘅櫻花蝦🥣小食係半份嘅秘製香辣雞塊🌶主菜叫咗招牌名古屋蒲燒鰻魚蛋包意大利飯🍚賣相十分震撼，雖然鰻魚較薄，但係超級超級長，比起隻叉仲要長好多，炒蛋嫩滑，蛋包飯用意大利飯亦係特色之一，西日fusion！溫泉蛋卡邦尼意大利粉🍝$1任食蛋糕🍰甜品控一定唔可以錯過嘅優惠，今次嘅選擇比上次少咗，不過都有6款，主要係芝士蛋糕同埋忌廉蛋糕兩款，原味、抹茶、朱古力忌廉都ok，抹茶大豆嘅抹茶味就唔太夠，不過$1真係冇得輸～