潮福蒸氣火鍋 (Closed)

好耐之前食過潮福喺藍田既分店，印象唔錯，可以任點任食而且店員都好nice。今日去左深水步，路經黃金竟嗰邊竟然見到好大個潮福燈箱，原來深水步都有潮福，而且環境唔錯，唔似一般酒樓。好耐無食蒸鍋，於是即call人嚟一齊開餐。價錢都抵，星期一至四 晚上每位都係300蚊左右（兩位起），而星期五晚上就貴少少$388/位（兩位起）、8.30後入座$348/位（兩位起）。首先有三選一的粥底，會幾米同粥料加湯放入鍋底，然後蓋上開始蒸食物。呢個餐每人有一客滋潤燉湯（每位選一款）：淮杞燉龍躉骨湯/姬崧茸燉螺肉，兩款都足料夠火喉。定食亦有三款：脆皮乳鴿（每位半隻）、貝殻盛盆和生猛龍蝦（每位半隻）。脆皮乳鴿燒得有油光，肉又嫩仲有肉汁；貝殻盛盆d 貝殻肉好肥美；生猛龍蝦（每位半隻）- 肉彈鮮甜。之後有自選海鮮（每位計，有4人所以選四款）：蘇格蘭蟶子皇（每位一隻）、優質桶蠔（每位一隻）、生劏龍躉件（每位兩件）和生猛貴妃蚌（每位一隻）。龍躉件肉嫩滑非常！貴妃蚌和蟶子皇都彈牙鮮甜，但蠔就淡左d係咩咪味。除左有任飲之外，唔夠喉的話仲有任食系列，好多野可以點嚟蒸，好正！最後留肚食粥底，除左湯多左d之外，粥底都好鮮～盡海鮮既