Video
Read full review
2016-05-02
1049 views
一早同朋友約BBQ, 見今日天氣其實都一般, 還不時有暴雨, 但已約又不想改, 唯有都照出去。 事實上除非天氣差得連BBQ場都關門, 否則都不會影響我們的去向。位置都不錯, 屯門公路轉車站後2-3個站就到, 下車一個U-TURN, 行2分鐘左右就到, 而且沿路有指示banner, 好方便好易找。是日週末, 人頭費130元, 爐費30元, 我們一行三人, 每人都只需多付10元, 即140元全包任食燒烤, 更有一支水及一罐汽水, 足夠有餘, 人多就當然更加著數。今日雖然下雨天, 但都坐滿三大個帳蓬, 有幾十組人在此過週末。本身場大超大, 周圍仍有好多帳蓬未開, 不過可能場地負責人預算出入場人數, 所以其他地方就沒有開出帳蓬, 令到場的小朋友有多些空間到處遊玩。每個爐提供2包炭, 如果要加都只需16元一包, 不過我們都喜歡不停燒, 好快就會飽, 有時一包炭都可以解決! 這個自助式燒烤與一般的燒烤差不多, 會有叉、 碟、 燒烤叉、蜜糖+掃, 更有一個大盤, 可以用盤放置你喜歡的食物。我喜歡這個場用膠碟及不鏽鋼叉, 因為每人出入如此多, 如果全場用紙碟膠叉一定非常不環保。要付費的食物除了番薯、棉
一早同朋友約BBQ, 見今日天氣其實都一般, 還不時有暴雨, 但已約又不想改, 唯有都照出去。 事實上除非天氣差得連BBQ場都關門, 否則都不會影響我們的去向。
位置都不錯, 屯門公路轉車站後2-3個站就到, 下車一個U-TURN, 行2分鐘左右就到, 而且沿路有指示banner, 好方便好易找。
是日週末, 人頭費130元, 爐費30元, 我們一行三人, 每人都只需多付10元, 即140元全包任食燒烤, 更有一支水及一罐汽水, 足夠有餘, 人多就當然更加著數。
今日雖然下雨天, 但都坐滿三大個帳蓬, 有幾十組人在此過週末。本身場大超大, 周圍仍有好多帳蓬未開, 不過可能場地負責人預算出入場人數, 所以其他地方就沒有開出帳蓬, 令到場的小朋友有多些空間到處遊玩。
每個爐提供2包炭, 如果要加都只需16元一包, 不過我們都喜歡不停燒, 好快就會飽, 有時一包炭都可以解決! 這個自助式燒烤與一般的燒烤差不多, 會有叉、 碟、 燒烤叉、蜜糖+掃, 更有一個大盤, 可以用盤放置你喜歡的食物。我喜歡這個場用膠碟及不鏽鋼叉, 因為每人出入如此多, 如果全場用紙碟膠叉一定非常不環保。
要付費的食物除了番薯、棉花糖外, 今期有味遊「日本主題」- 蒲燒秋刀魚($35)、鮮味花蜆($45)、炭燒虎蝦($108)及蒜香元貝($68)4款, 見朋友好奇蒲燒秋刀魚味道, 一於買包試試。
入場已經會提供一人一支水, 更有餐具紙及汽水劵, 口渴先去拎汽水, 確保飲時又凍又爽!上年已有到此燒烤過, 對這裡的叉燒粒念念不忘, 今次這個都會是必選! 食物區選擇比以前更多, 除大眾化的雞翼腸仔, 扒類等, 更有司華力腸、燒賣、咖喱魷魚、豬頸肉, 蔬菜就有粟米外, 更有車厘茄、青椒、矮瓜及翠玉瓜, 全部不用另外付費, 款式之多, 3人又點會食得咁多, 唯有樣樣都試一至兩件, 希望多試試。
腸仔一定第一輪必食, 太肚餓無理由會去先燒雞翼吧!CHEF 牌雞肉腸
這批已經是第二輪拎的食物, 除丸及腸外, 肉類的選擇都不少, 有金沙骨、叉燒粒、賊仔牛仔粒、雞扒、豬扒、雞翼都有沙薑、沙爹及黑椒口味, 仲有豬頸肉, 真係講得出BBQ有的, 這間都提供, 超正
章魚燒
20 views
0 likes
0 comments
咖哩魷魚和豬頸肉, 在一般生活上好少食, 就算出街都未必會叫, 今次真係點都食返夠本。
見到咁多食物, 就參觀一下放置食物的地方, 食物部於當眼位置, 而且大大個牌, 方便大家看到這裡好衛生, 需要什麼, 交盤子後通知職員, 他們會按人數定分量, 你亦可告知數量, 明知肚餓的我們, 一開始就已好貪心, 叫滿一盤, 後勁就當然吃力少少啦, 所以要記得量入而取。
紅腸, 丸, 特別的有燒賣、豆卜、司華力腸
丸類都好多款
數量驚人, 提供好充足
多春魚必食, 又大條又多春, 正
就連蜜糖都無限量供應不另收費, 而且有其他醬汁供應, 但醃料已很足, 醬汁就不需要
菜類在後面, 牆身寫的字大家要留意---不要浪費食物, 為己積福
飲品櫃有幾個, 全部飲品都有凍, 而且職員會揀夠凍的飲品, 當然要不凍都無問題。種類都有好多, 可樂、忌廉絕對大熱, 就連涼茶都有數款, 花多眼亂
如果真是對某些食物有情意結, 如蕃薯、金菇等, 都可以提供, 價錢亦非常相宜。
娛樂的事莫過於夠腳可打埋麻雀, 這裡$100已可打, 訂金$100, 歸還後會退回, 23:00前歸還即可, 多方面照顧客人。
玩樂的事又點止咁少, 這張價錢表告訴你, 你入到這個場, 不止可燒烤, 更可看作為度假, 玩沙工具, 沙灘遊戲用品一應俱全, 總有一款啱你玩。
玩完髒髒如何回家?這裡連沖腳的位置都提供, 你玩得滿身沙, 這裡沖一沖, 立馬舒服哂!講了這麼多, 副產品就好多, 但食物的質素又如何?在此為大家講解一下
開工第一ROUND, 腸仔大熱, 由於是牌子款式, 一定有保証!!餓鬼的我們, 燒第一ROUND求其得很, 所以燒出樣子麻麻, 這裡一提, 炭不濕, 起火都算旺, 好快就夠熱燒。脆皮腸竟然不及牌子腸好, 脆皮腸雖然外皮脆香, 但一到燒烤, 普通腸絕對都可烤得香口, 而且點蜜糖時, 牌子腸外表會黏得比較好, 烤時不會因腸面太滑而失去蜜糖, 脆皮腸食過就算, 牌子腸ENCORE又ENCORE, 哈哈。
章魚燒原來屬於章魚丸, 口感爽脆彈牙, 不時會食到粒粒章魚, 用料十足, 入口不咸, 烤後令丸輕微膨脹, 香氣會由每口咬後而出, 章魚香徐徐散出, 味道好好。
沙爹雞全翼-- 有朋友愛串雞全翼, 所以不時協助我們, 令我們都可以享受食全翼。沙爹雞全翼未有如期的沙爹味, 反而有咸香及醬油味, 口質嫩滑, 肉汁好多, 比雞中翼還要多, 我為它改名為'醬油雞全翼'!
鮮味花蜆
$45
37 views
0 likes
0 comments
一包真空包裝, 非常衛生。
開出後見全部已開殼, 而且未見到包裝有沙, 明碼實價, 一大堆好抵食。包後放炭旁, 數分鐘轉一轉位置, 10分鐘左右就食得, 一開蒜蓉不及蜆香, 蜆香吹出時都有附近的人留意到, 蜆雖細粒, 但粒粒無沙, 鮮甜味表露無遺, 完全比小菜館食的豉椒炒, 更能嚐出鮮香, 職員提供的鹽都不需落, 鮮咸香已經足夠, 下次一定要encore這個!!
燒肉的時間到了, 左下方是我超想食的叉燒粒, 蜜汁醃的關係, 蜜糖都只輕輕點一點, 為了有少少脆口就算。叉燒粒一個個立方好易串起, 以前一開始並非叫叉燒粒, 但推出後, 有好多人因為食後似食蜜汁叉燒, 所以以此為名叉燒粒每粒厚切, 燒後肉汁保留, 肉質都算嫩, 有時會食到筋位, 甜味於咬時有少量, 但及後肉汁的甜會隨後而上, 好易就會一粒接一粒食, 山賊牛仔粒接著推出, 各位牛魔王可一嚐牛粒的厚切風味, 不過個人認為叉燒粒始終比較出色
傾傾計, 出來的成品變成......未有過熟, 只有一面一路沒有反轉所致, 咖哩魷魚在上方, 味道適中, 未會太辣而難入口, 魷魚爽口有致, 咬下現魷魚的白滑, 鮮味豐富, 不過記得不要加蜜糖, 咖哩味與蜜糖不太夾。
麵包竟然都有兩款, 每款試試, 先烘烘到八成左右, 再塗上蜜糖多烘一會, 外脆內軟, 與外間的烘多士無疑, 而且蜜糖令麵包烘出麵包更香, 好易食完又添。
熱氣的食物不停食, 是時候要凍飲, 食得太熱氣的關係, 為自己著想, 叫了涼茶, 滿足的一餐以這罐作結, 非常爽!!!這裡完全滿足到食肉獸, 而且不限時-- 傾傾計, 燒燒食物, 幾小時好快就過去, 又是滿足的一天~
Post
