喜多嬉牡蠣屋 (Closed)

近排Soho區越來越多好嘢食，而呢間都唔例外～ 餐廳主打兩個餐，雖然都係90分鐘任食生蠔放題，但貴啲嗰個就包埋任食串燒！整體裝潢以木系為主，空間感大，令人感覺舒適，絕對係慶生嘅好去處之一💕店員先送上一碟味淋魚干做為開胃前菜，等候食物期間可以慢慢享受～ 之後有時令海鮮湯，以日式小茶壺裝住，下面有蠟燭仔保持溫度，鹹香鮮甜，入口順滑，裏面仲有蜆肉同蝦仁添！食到差唔多就到主食啦，記得要預備相機，因為接下來嗰個真係不得之了😙喜多嬉懷石八品包括伊勢海老羊羹、雲丹松葉盤配蟹醋啫喱、月見手工燒鳥軟骨棒、炭燒活鰻魚、明太子拌秋葵、茶潰飯、愛知縣白象貝刺身同季節沙律～ 個人最鍾意鰻魚，外皮燒至脆身，肉質嫩滑，啖啖肉，帶點焦香香氣，滿滿嘅幸福感😝 啫喱同雞軟骨串都唔錯，可惜無得encore重點來了！任食生蠓、焗蠔同焗帆立貝～ 生蠔超級大隻，入口滑溜，鮮味十足，完全唔腥，唔洗點檸檬都得🍋 焗蠔同焗帆立貝可以要原味或蒜味，個人喜歡後者，因為燒完之後更加香！焗蠔熱辣辣，大大粒，啖啖肉，好juicy、帆立貝肉夠厚，清甜帶彈性，味道同樣鮮，三款都大推😋呢個套餐包任食串燒，有羊肉、豬頸肉、雞腿肉、雞翼、雞腎、雞心、七里