燒蝦蝦 (興泰大廈) (Closed)

一去到門口就見到好多人排隊了，等咗陣終於入到去。嚟到燒蝦蝦，唔洗問都知佢哋主打係蝦！每個座位旁邊都有個養蝦嘅水缸，先由水缸度夾蝦上嚟，再放佢喺冰桶度浸暈，跟住就可以夾上個爐度燒喇🤪 自己一手包辦成個過程，一啲都唔容易㗎，因為佢哋一夾就會跳，唔小心就會彈到自己🤣 佢哋啲蝦真係勁新鮮！食落仲有勁多膏，蝦肉爽口彈牙。除咗蝦，餐廳都有提供各式各類嘅新鮮海鮮任食任拎🤩 有生蠔、青口、鮑魚、扇貝、東風螺、貴妃蚌、魚類等等。我覺得最好食嘅係原條魚，肉質非常嫩滑，大家唔好錯過～ 另外佢哋嘅螺都唔錯㗎，爽嫩多肉。扒類都係超多！我哋拎咗豬排同雞排，因為想快啲熟所以我哋剪到細細塊，燒得啱啱好，肉汁豐富😋 另外仲燒咗廚師腸，但係我一唔留神就燒到黑晒😂