20
1
1
升級咗之後，仲包咗帶子海膽，大大粒好鮮甜。之後上咗刺身拼盤同埋海鮮拼盤，兩個都大份有睇頭。
食完呢三樣嘢都已經飽飽地，但重頭戲依家先至嚟，就係奄仔蟹。
冇諗過放題有咁好嘅質素，即叫即蒸，上枱熱辣辣，好大隻，仲要好多膏。其實仲包咗生啤任飲，不過我哋兩個都唔飲啤酒，就冇叫。出邊自取嘅飲品都有好多款式。
1
食完晒啲升級美食，就叫咗啲熱嘢同埋壽司，推介試吓佢個火炙左口魚裙邊，我自己認為好好食，同埋鍾意佢啲壽司飯細細粒，唔會話食到好飽。其實佢仲有好多泰式嘅食物，試咗炸魚餅同埋泰式鳳爪都唔錯。
結論，如果鍾意食蟹一定要加錢升級任食奄仔蟹和海腦帶子，絕對回本。
除咗食放題都見到其他客人食午市套餐，問咗侍應拎個餐牌嚟睇，原來又真係幾抵食，如果唔想食太飽，都可以試吓佢午市套餐。影埋個餐牌大家參考吓。
10
4
