校長燒肉日韓料理 (沙咀道) (Closed)

今次同屋企人黎呢間食晚飯 只能說呢間真係咩都有！同時有得燒肉 想冇咁熱氣又可以打邊爐 等緊燒野食時肚餓都可以直接拎熟食🥳我地一開始拎左要燒肉類先 有好多種類 豬牛雞海鮮都有 而我最鍾意既就係叉燒 同蕃薯仔！ 叉燒腌得好入味 甜甜地 一大塊好滿足🤤蕃薯仔都好甜 係我平時食放題或者串燒既味道☺️不得不提係佢地既燒爐用牛油紙 冇咁容易燶 侍應都好樂意幫我地換紙！邊爐方面 湯底要自己出去拎既 呢邊就係健康區 食下丸 菇 菜咁😋佢重有台灣腸 好味道 好少見😋主食已經咁多 但飲品同甜品都唔輸蝕☺️飲品有健康既花茶 或者手沖飲品 嫌麻煩可以去雪櫃拎 我試左未見過既牛蒡茶 清熱既感覺😎甜品同雪糕都好多 花多眼亂 最後要左未試過既榛子mega雪條 有繽紛樂既感覺🤣