牛牛日式火鍋放題 (北角匯二期) (Closed)

香港人尤其食肉獸最鐘意去火鍋放題大擦牛肉😎我都唔例外🤣係北角匯商場就有間食肉獸要bookmark嘅牛牛日式火鍋放題，晚市有Lv 1-5套餐，今次叫咗 Lv 3澳州和牛放題，星期一至四正價$318，90分鐘可以任食澳洲和牛、黑安格斯、牛小排、封門柳等85品，選擇幾豐富👏🏻👏🏻而且佢係一人一鍋形式，同朋友嚟食可以試多啲不同湯底。凡惠顧Lv 3 以上套餐仲可以免費追加啤酒、清酒、紅白酒，好抵玩🤑🤑🍲傳統山椒味噌鍋、意熟成番茄鍋唔想成日食麻辣，呢個山椒味噌鍋就特別啲，辣得嚟幾有層次，味道好香😻火鍋料完全唔使點醬汁都好惹味。番茄鍋就比較適合唔食辣嘅朋友，酸酸咪咪可以稍為減低膩感😙🥩澳州和牛、澳州黑安格斯牛、丹麥封門柳、極上牛舌澳州和牛相對日本和牛無咁肥，可以食多好多都唔覺膩，係回本之選。和牛口感好軟滑😋😋牛舌都唔錯，幾爽彈。封門柳口感相對無咁滑，不過肉味濃郁啲，鍾意牛味重嘅人可以叫😛🐑澳州綠草原羊肩肉鍾意食羊嘅人必點👍🏻羊羶味好突出，口感腍滑。🍢明太子墨魚滑、明太子玉子燒墨魚滑混入不少明太子，唔使點任何醬汁都夠鹹香😚不過口感有少許腍唔夠彈牙。玉子燒都可以一試，甜甜地嘅玉子燒加上鹹香明太子，鹹鹹甜