男友book左呢間90分鐘任食牛扒嘅餐廳，$298/位，任食三款［澳洲和牛］牛扒、湯、沙律、薯條及即煮意粉。
仲可以飲品加$50無酒精，加$100有酒精，海鮮拼盤加$130，但我地無加，專食牛扒，睇下抵唔抵食。
牛脊肉，最好咬，牛味最濃郁，個人最喜歡。
燒牛肉，細嫩少脂肪，燒得好靚。
牛冧肉，最腍嫩柔軟，燒烤香味重。
沙律好清新爽脆，酸酸地消膩開胃，我點左4次。
南瓜湯偏甜，溫和順滑。
麵包烘熱，加牛油好味，牛油好細滑。
薯條係粗薯，炸得脆口，薯味突出，襯熱食，凍左麻麻地。
食到中段，會有侍應拎意粉出黎分俾客人，要幾多可以同侍應要求。
忌廉意大利雲吞，好creamy，餡料係芝士，好味
香草蕃茄牛面肉大通粉，蕃茄醬汁惹味，牛面肉好咬口，大通粉彈牙掛汁。
最後仲有青口大通粉，太full無拎到。
