Video
Read full review
2022-07-13
53 views
開返晚市，想去食放題又唔想太遠就揀咗喺旺角食。上網睇咗，呢度最出名嘅係有個海鮮池可以自己夾游水海鮮。同朋友就揀左上忍套餐，除左有游水海鮮之外，仲有A5藤彩和牛同埋多款肉類任食，最緊要係有120分鐘食，可以慢慢食！今晚勁正，有鮑魚，瀨尿蝦，九節蝦同埋花螺。全部都勁生猛，攞個筒出去嘅時候一定要記住攞埋冰，夾起咗啲蝦就一定要快啲放佢入去啲冰度凍暈佢。啲瀨尿蝦成隻手臂咁長，又生猛，鮮味，成個香港又有邊度可以任食瀨尿蝦 😍湯底我就揀咗用鰹魚湯，因為唔想咁味太濃而冚左海鮮嘅鮮味食到咁上下，個水缸啲海鮮仲轉咗一款做刀貝！勁大隻，又勁鮮甜！仲有啤酒lover既我，有香港手工啤任飲，又有日本惠比壽同sapporo 生啤 😍當然唔少得仲有A5藤彩和牛，日本國產和牛上腦，美國牛小排、長型牛舌等等，而且上菜速度好快，真係食得好開心！其實七百幾蚊喺香港食任食火鍋放題有和牛有瀨尿蝦游水海鮮，魚生刺身，又有香港日本生啤，甜品仲有任食Häagen-Dazs雪糕，坐落又舒服，仲要係正旺區，交通方便，真係去邊搵 🤤🤤
開返晚市，想去食放題又唔想太遠就揀咗喺旺角食。
上網睇咗，呢度最出名嘅係有個海鮮池可以自己夾游水海鮮。同朋友就揀左上忍套餐，除左有游水海鮮之外，仲有A5藤彩和牛同埋多款肉類任食，最緊要係有120分鐘食，可以慢慢食！
今晚勁正，有鮑魚，瀨尿蝦，九節蝦同埋花螺。全部都勁生猛，攞個筒出去嘅時候一定要記住攞埋冰，夾起咗啲蝦就一定要快啲放佢入去啲冰度凍暈佢。
啲瀨尿蝦成隻手臂咁長，又生猛，鮮味，成個香港又有邊度可以任食瀨尿蝦 😍
湯底我就揀咗用鰹魚湯，因為唔想咁味太濃而冚左海鮮嘅鮮味
食到咁上下，個水缸啲海鮮仲轉咗一款做刀貝！勁大隻，又勁鮮甜！
仲有啤酒lover既我，有香港手工啤任飲，又有日本惠比壽同sapporo 生啤 😍
當然唔少得仲有A5藤彩和牛，日本國產和牛上腦，美國牛小排、長型牛舌等等，而且上菜速度好快，真係食得好開心！
其實七百幾蚊喺香港食任食火鍋放題有和牛有瀨尿蝦游水海鮮，魚生刺身，又有香港日本生啤，甜品仲有任食Häagen-Dazs雪糕，坐落又舒服，仲要係正旺區，交通方便，真係去邊搵 🤤🤤
Post
