泰.夯蝦 (Closed)

今次已經係我第二次喺香港食流水蝦，不過上一次食流水蝦嘅體驗唔係咁好，所以今次都係經由朋友介紹，話呢一間流水蝦嘅質素唔錯，所以專程嚟試吓。一入到店舖，竟然冇聞到好大陣嘅燒烤味，佢哋嘅抽風系統做得唔錯，即使食完都唔會一大陣味，值得一讚佢哋嘅流水蝦除咗喺枱與枱之間有水缸之外，喺拎嘢食嘅位置亦都有好幾個大型嘅水缸，方便坐卡位嘅食客可以出去夾下，蝦嘅數量非常之多，而水缸嘅位置亦都闊落，就算比較多人出去拎，都唔需要等。除咗新鮮嘅大頭蝦之外，呢度最吸引嘅應該就係有八款海鮮，全部都係任燒任食。海鮮除咗有蜆、聖子之外，竟然仲有生蠔、元貝同埋比較少見嘅螄蚶。我自己就食咗好多大顯同埋螄蚶，全部都新鮮冇沙，鮮甜美味。 肉類嘅選擇都唔少，但係雞翼嘅口味都有四五款，另外仲有一啲串燒、丸同埋蔬菜。除咗燒烤嘅部份，餐廳亦都提供熟悉。而我自己覺得最出色嘅就係泰式炒粉絲，粉絲口感彈牙，味道酸酸甜甜。燒生蠔嘅時候仲可以自己加啲蒜蓉落去，好有風味。入咗嘅時候仲會提供咗一碟刺身，質素唔係好高，但係個過下口癮都唔錯。燒鮑魚同埋帶子都只係有一份，但係鮑魚真係非常新鮮，上枱嘅時候仲郁緊㗎最後我哋食甜品嘅時候，發現佢竟然係coco b