阿爺八鮮鍋 (Closed)

正!!! 估唔到任食火鍋都有咁新鮮嘅海鮮食!! 除左海鮮之外, 個套餐仲包咗好多嘢食!! 一坐低就每人先有一盅足料花膠燉湯, 飲落無味精味, 夠曬滋潤!! 飲完湯就上餐前小食, 今晚係椒鹽班頭腩, 脆卜卜, 夠曬惹味!! 之後就再黎個刺身拼盤, 店員仲同我哋講, 今晚象拔蚌刺身係任食架!! 食完刺身就到熱辣辣嘅花膠雞煲, 仲有得揀辣定唔辣添~ 黎到呢到, 終於到海鮮火鍋上場喇!! 先黎個海鮮拼盤, 有青口、星斑片、海蝦、花甲、蜆同南非鮑魚!! 拼盤唔夠食, 仲可以追加添~!! 今晚不停追加南非鮑魚同象拔蚌刺身, 真係食到捧住個肚走呀!! 下次一定會再黎幫襯!!