「日本黑毛和牛A4+」晚市套餐 $488
🍲喇沙椰爺仲夏鍋、木瓜椰皇嫩雞鍋 鴛鴦鍋+$50
夏天嚟個夏日限定鍋物，包括喇沙鍋及木瓜椰皇鍋，兩款湯底都好足料👍🏻喇沙不斷飄出濃濃香氣😻搭配索湯嘅牛肉、豆類就好啱；木瓜椰皇有好多啖啖肉雞肉、椰肉、木瓜，好滋補，可以搭配海鮮👏🏻
🥩日本黑毛和牛A4+、伊比利亞黑毛豬梅肉、澳州和牛牛丸、海鮮拼盤
套餐可以任食矜貴嘅A4+級別黑毛和牛，油脂分佈均勻，油脂令牛肉食落特別軟滑😋豬梅肉肉質都唔錯，有咬口。套餐附送和牛牛丸，零舍彈牙又爆汁🤤另外送華麗嘅海鮮拼盤，鮑魚及帆立貝大大隻🤩另外唔少得任食澳州和牛M5牛肩卷、SRF極黑牛、安格斯牛小排、封門柳、牛板腱、牛五花靚牛肉😎
🥥椰酥跳跳豬、黃金椰絲蝦丸、椰林火山脆薯條
夏日椰子主題可以食到特色炸物，都加入椰子元素，好特別😛跳跳豬金黃香口；蝦丸彈牙鮮味；薯條加上椰林沾醬撞出火花。
🖤古法醉鮑魚、炭燒鹽蔥鮑魚、柚子燒汁鮑魚
一向都鍾意食鮑魚，呢度除咗鮮鮑魚，仲有三款鮑魚料理，更添風味🥳柚子燒汁鮑魚將鮑魚炸到外脆內煙韌，搭配酸酸咪咪嘅醬汁，好食😋
🍹椰奶蓋芒芒爽、冰檸伴椰、藍調微風、任飲指定生啤、台式飲品
餐牌有多款特調飲品可以加，包括經典台式飲品，仲有充滿許留山風味嘅椰奶蓋芒芒爽😆以及賣相一流嘅微醺cocktail，都好啱夏天飲。鍾意啤一啤的話，呢個套餐包咗指定生啤任飲，好爽😮💨
🍢自助區配料、蔬菜、滷牛肉飯、雪糕雪條、飲品
自助區亦有更多配料選擇。牛大人特色仲有滷牛肉飯，香噴噴🫶🏻不同口味冷泡茶、果茶、汽水等亦可以任拎。打完邊爐仲可以食雪糕，有Movenpick、韓國雪條，連近期大熱嘅笨nana都有😍
推介指數（10分為滿分）：8分
