大富蠔音樂餐廳

Open Now

Now Closed

喜歡食蠔或飲返兩杯嘅朋友有福了，呢間尖沙咀嘅「Club Oysters 」做緊夜餐富蠔盛宴買一送一優惠，新鮮生蠔任食，無限酒水都只不過係5至6百一位，好值得一試。星期五同六夜晚仲有live band show，識唱歌嘅仲可以上台唱返兩首，真係好岩慶祝活動。套餐包左超多野食，首先有個新鮮Caesar Salad，特別配上無花果，一啲都唔頹。大富蠔忌廉湯，好creamy 好足料，仲配埋只烤蠔，真係好豪華！再上個「大富蠔雞尾酒拼盤」，一人有三只，特別配上特色醬料，唔鐘意就咁食生蠔嘅朋友一定唔會失望。再上「三式焗大富蠔」，又係三款各免味道嘅焗蠔，即焗即上，冇得輸！主菜我地揀左「香草嫩舂雞拼太蝦」同升級為和牛Pizza。個和牛Pizza唔係太大，但估唔到好好味，食到呢個雖然已好飽但都清晒。最後當然係食主角，生蠔啦。任叫，一碟有6只，新鮮creamy，鐘意食蠔嘅真係叫多幾碟已經回到本。最後提提大家，每枱會俾一客小食，係會收費嘅，餐單都有提「設有NUTS收费」，所以介意嘅朋友要留意一下。我地係食炸蝦餅，好好食，配酒一流，所以問題不大。