喜多嬉牡蠣屋 (Moved) New Location

▪︎牡蠣放題90分鐘▪︎。喜多嬉9品。牡蠣刺身。燒牡蠣、帆立貝。牡蠣湯烏冬、撈烏冬、茶漬飯。指定串燒/飲品↪️ 放題一開始任何食物都未叫時，店舖會先上每人一份九宮架前菜《喜多嬉九品》，賣相非常吸引，分別有一些開胃前菜、吞拿魚剌身蓉、月見燒鳥棒、烤鰻魚、茶漬飯等，當然唔少得主角生蠔。款式豐富，記得要留返碟蛋汁黎點之後啲串燒。 之後就係任點生蠔嘅開始，一開始當然要點生蠔，生蠔粒粒大隻又漲卜卜，有啲大到隻手咁大，非常creamy，又有海水鮮味，爽口又彈牙，可以自由選擇需否加酸汁啫喱、蔥及蘿蔔蓉。我哋較鐘意咩都唔加，可食到生蠔的原汁原味。除了生蠔，當然都要試下燒蠔同帆立貝，都有其他的風味。 除了蠔外，還有一些小食、十幾款燒物及烏冬茶漬飯可以選擇，個人非常推薦茶漬飯及湯烏冬，啲湯汁滿滿蠔的鮮味，非常鮮甜，烏冬更幼滑彈牙。 以任食生蠔黎講真係好高CP值，中意食蠔嘅人要黎試試。