牛知己 (Closed)

因為今日放假，所以約好友去打邊爐。 朋友帶我去佢樓下嘅餐廳食飯， 名叫「牛知己」， 餐廳位於元朗安寧路38號世宙商場地下26-27號舖。 門囗放了多部汽水櫃， 飲品是任飲的。 我哋揀咗個清清地嘅《海膽海帶湯》， 估唔到湯底都好清甜。 我哋用平板電腦下單， 又方便又環保， 仲有用輸送帶送餐， 我Like 呀！ 又快捷又方便。 我哋揀咗個《美國極選牛肉， 海鮮放題 》。牛肉有大理石狀嘅花紋，入口肉質滑嫩， 牛肉味濃郁。有多種海鮮任叫， 例如青口、 魷魚同蝴蝶蝦等等。青口肥美鮮甜， 蝴蝶蝦爽口彈牙， 好味。 除了打邊爐外， 仲有即食自助區， 有麵同小食。 除了肉類同海鮮，仲有蔬菜、丸類、 麵等等。 蔬菜十分新鮮， 好爽口。 最後大家記得食甜品呀， 真係好滿足， 好飽。 總結吓先， 食物不錯， 環境寬闊， 價錢大眾化！