利寶閣 (Closed)

媽咪好鍾意食粵菜，今次就帶佢嚟銅鑼灣嘅利寶閣食高級粵菜晚市放題🤗呢個放題除咗有任食野生時令奄仔蟹、片皮鴨 、SRF極黑和牛、仲有四十多款即叫即做﹑任點任食嘅中菜及自助火鍋，任食兩小時，另外每位大人仲額外送原盅鮑魚佛跳牆一份添，好豐富！🦀奄仔蟹有清蒸、雞油花雕蒸、鹽油焗、花雕凍醉蟹四種煮法可以揀，我地四款都試晒，奄仔蟹肉質都好鮮甜，我就特別鍾意花雕凍醉蟹嘅煮法，花雕酒味香醇令蟹肉味更香濃，而且係凍食好啱夏天食🤗🧡北京片皮鴨片皮鴨係即叫即片鴨皮，皮脆肉嫩，配上青瓜、京蔥、京醬包住一齊食，好滋味！🐮堂灼SRF極黑和牛SRF極黑和牛牛味香濃，油花分佈得亦好均勻，簡單灼一灼已好好味，肉質仲滑嫩，我地都encore左幾次呀🤗！💛原盅鮑魚佛跳牆佛跳牆都好足料，而且好鮮甜又滋補！有鮑魚同花膠去煲，鮮味又香濃！另外仲有四十多款中菜可以任食，如開胃涼菜、燒味、小菜、炸品、蔬菜、粥飯、甜品都有，必食推介金沙老虎蝦，好惹味！仲有蒜蓉粉絲蒸扇貝都不錯，而甜品中脆麻花都好正，香甜又夠脆😍👍🏻！