戀上台式料理 (Closed)

最近啱食大閘蟹，朋友約我放假一齊去食任食放題😎朋友住將軍澳，佢介紹呢間，話環境舒服同埋台灣食物都好好食😛套餐分三個價錢，我哋揀咗第二貴嘅套餐覺得性價比好啲。大閘蟹質素不錯，上菜速度都快。我哋兩個人，一坐低就俾咗四隻大閘蟹我地，兩隻公兩隻乸。我哋去嗰陣係11月中，乸嘅膏已經開始實，覺得公好食啲。食咗兩round，先發現原來可以指定公🤣提提大家🤣蟹嘅質素唔錯，有幾隻好多膏，都幾滿意☺️我哋加埋食咗十幾隻😅套餐仲包其他食物，例如蟹粉花枝丸，生滾蟹粥，鹽酥雞，蚵仔滷肉飯，麻辣小龍蝦。我哋最鍾意係酸菜魚，啖啖肉好好味😋另外仲有台式飲品和甜品，食完大滿足😊