蝦蝦燒 (Closed)

蝦蝦燒之前都分別去過荃灣店和佐敦店，今次再度回訪荃灣店，鍾意荃灣店呢度個環境比較大，坐得舒服啲，唔會覺得迫夾。魚缸入面嘅流水蝦可以任夾任燒之外，自助區仲有多款海鮮，有幾款蜆，幾款原條魚、蟹、鮑魚、帶子、扇貝、魷魚、螺、生蠔、三文魚鮫都可以自己燒。除咗海鮮，場內自助區食物仲有好多已經預先串好嘅食物，蔬菜、瓜類、丸子、腸仔、豬肉、牛肉、雞肉，羊肉，格仔餅等等，$348/位，輕輕鬆鬆可以食兩個半鐘。鍾意去蝦蝦燒都係鍾意呢度海鮮嘅種類多，食物Refill 得快，海鮮樣樣都夠新鮮，啱晒鍾意食海鮮嘅我，平時都冇咁嘅機會食海鮮食得咁盡興。飲品款式選擇都比較多。推介：燒鱔真係好正，夠肥美好正。蝦、生蠔、三文魚鮫、沙白、扇貝呢幾隻我食得最多😋