牛大人台灣火鍋吃到飽

Open Now

Now Closed

年輕人係咪要補充鐵質，大仔唔知係咪發育期，近排成日話好想食牛肉，見到將軍澳都有呢間牛大人，貪佢可以任食牛肉，其實我自己都想食，所以就豪少少揀咗任食和牛，入到去竟然見到有幾台年青人，全部都喺度勁食牛肉，聽到佢哋個個都話食10碟八碟，我哋最終食咗兩碟和牛，我覺得已經好飽，不過啲和牛質素真係好高，仲可以任食海鮮同埋鮑魚，全部都非常鮮甜，所以我覺得已經值返門票價，超精彩呢😍我同阿仔叫咗鴛鴦湯底，我鍾意食胡椒豬肚窩，佢就食最新嗰款椰子雞鍋，估唔到椰子雞鍋可以先飲兩啖湯，好鮮甜好好味。另外仲可以叫杯椰奶蓋芒芒爽，打邊爐食到熱辣辣，飲呢杯嘢真係爽，酸酸甜甜好開胃。食完本身已經好飽，點知見到全部雪糕都係高級嘢，竟然仲可以食到Movenpick椰子味雪糕，幾飽都要食埋佢先走，今次真係超級滿足捧住個肚走。埋單後我終於知點解咁多年輕人原來佢地有個活動比DSE學生曰「DSE畢業季- 學生狂歡時段」每位學生憑全日制學生證，於星期日至四21:00後入座有優惠另外仲有個活動叫「知識就是折扣」答中問題贏餐飲折扣等優惠，下次要去再食先。