Lab Eat Bistro (豉油街) (Closed)

😽醬油漬三文魚呢個係任食嘅前菜黎，但係整得好好，每舊三文魚都好新鮮，下面有啲冰去墊住，唔怕會變壞，三文魚好肥美，好嫩，鹹鹹地，幾好食！😻美國穀飼天然牛腰扒呢個係牛嘅前腰部位，肉質比較嫩，好鮮嫩多汁，係牛入邊最嫩滑嘅一個部位，呢度都煮得好好，煎得啱啱熟，外邊有少少脆，肉質就好冧，再點一點啲燒汁就更加鮮味！😸黯然銷魂飯呢個叉燒蛋飯真係絕對唔係普通，叉燒係西班牙黑毛豬，非常之靚，肉質好好，燒到好脆，好香蜜糖味，但係啲肉仲好腍，隻蛋又夠晒新鮮，好香蛋味，正呀！