稻香 (Closed)

知道稻香都做任飲任食，仲要只係$152一位，緊係要黎試下啦，唔係間間分店都有，一定要問清楚，每晚8:30開始，兩個半鐘。每位可以$1 order一隻鮑魚仔，鮑魚好味，青邊殻，唔知係咪青邊鮑，只知好好味，好食過陳皮鮑魚過種好多。蝦，係朋友話必食，佢去第二間食啲蝦仲生架，我食呢間雖然蝦唔係生，但肉質都實實的好好味😋，仲要係無腸架👍🏼白蜆又係新鮮好味。因為得三個人食，食得唔多嘢，好快就飽咗，不過$152有呢個質素都抵食啦！