食放題的第一時間就要叫刺身，估唔到佢都幾多款式，有三文魚，八爪魚，玉子，帶子，甜蝦等等！每樣都叫咗少少試吓，甜蝦帶子八爪魚同埋三文魚係重點推介，大家一定要叫黎試一試！
仲有所有黑松露的壽司，本身覺得都唔會係好食個d醬，點知一食落，不但有好香的黑松露味之外，仲要同d壽司是有配合過的，唯一不好的地方是，醬有點少，但佢有配合反放題的主題，貼心咁為你準備細小的日本飯作底！可以點多幾種不同的食物！
佢的炸物都係真心推介的！炸甜薯雞軟骨多春魚叫左三次，因爲我同我朋友都係炸物控，佢既炸物食落唔會太多油，係真係炸得剛剛好，唔會有冧同濕既感覺！上到台仲熱架，因為佢款式都好多，咩都可以試小小，燒物都係，燒羊架好正，唔會太蘇得黎肉質剛剛好，調味都好正！仲有個牛柳粒，大小啱啱好，而且不太肥利的感覺，彈牙有咬口的！最後就是甜點方面，木糠布丁室溫，味道都不錯，只是有點小，要多叫一個！
餐廳又沒有任何走單或比少食物的事情發生，而且態度良好，會主動收好枱上的空碟，可能是中午時間較少人！總體都覺得很好，值得推薦！
