燒蝦哈 (Closed)

早排聽朋友講錦田開咗個任燒流水大頭蝦嘅燒烤場，住新界既我地梗係要立即行動啦！大人入場費368小童半年，任飲任食，仲有非常重本嘅爆膏大頭蝦，收費合理！呢到D遊戲算好多，大人又可以玩下飛鏢，打桌球，小朋友可以夾下公仔！食物種類都有好多款，最愛土匪雞亦，辣辣地幾過癮！羊架大大件好香羊味。亦有茄子青瓜翠玉瓜粟米等等！流水大頭蝦隻隻好生猛，而且仲爆曬膏！罐裝啤酒都係$2x罐，抵飲！可以訂下飛鏢飲下酒吹下水！個場夠大，食物味道幾好，而且仲有個私家停車場，路口有車返屯門，九龍，交通算很方便！