Video
Read full review
2022-08-08
104 views
一向都好鍾意食放題，除左日式燒肉同韓燒外，其實流水蝦亦係個唔錯嘅選擇。最近就同朋友幫襯左屯門呢間主打即夾即燒「流水蝦放題」嘅餐廳「燒蝦蝦」。午市時段到訪，成人每位只需 $298，便可以任食兩個半鐘，包任食游水大頭蝦、過百款海鮮、串燒、熟食、甜品及飲品等，定價合理，而且時間亦十分充裕。每個座位旁邊都設有專屬蝦缸，入座後就可以立即動手。店員教路，蝦隻夾起後，要先放入冰水約 30 秒，等大頭蝦凍暈後，就可以放在爐上燒烤。啲蝦非常生猛，大大隻，肉質鮮甜爽彈，入口啖啖肉，仲要隻隻都爆多蝦膏，真係令人食唔停口。另外海鮮區亦有好多款唔同種類嘅海鮮供應，當中包括有鮑魚、蠔、扇貝、帶子，花螺及原條鮮魚等，全部都係任夾任食。鮑魚肉質有嚼勁，入口鮮味彈牙，扇貝味道亦唔錯，肉厚飽滿，配上蒜蓉同蔥花，更加滋味！第一次自己動手燒魚，魚肉好鮮甜，外脆內嫰，配上調味料，香口惹味。另外入座時，每位客人都會獲贈白鱔一串同雪花和牛一份。鱔肉好新鮮，爽脆 Juicy， 食落仲有油脂滲出。和牛色澤紅潤，雪花分佈均勻，燒香後入口即溶。至於串燒區就有好多款唔同嘅肉類、丸類和蔬菜，推介原條五花腩、羊架和雞軟骨等。五花腩超級厚肉，層層
一向都好鍾意食放題，除左日式燒肉同韓燒外，其實流水蝦亦係個唔錯嘅選擇。最近就同朋友幫襯左屯門呢間主打即夾即燒「流水蝦放題」嘅餐廳「燒蝦蝦」。
午市時段到訪，成人每位只需 $298，便可以任食兩個半鐘，包任食游水大頭蝦、過百款海鮮、串燒、熟食、甜品及飲品等，定價合理，而且時間亦十分充裕。
每個座位旁邊都設有專屬蝦缸，入座後就可以立即動手。店員教路，蝦隻夾起後，要先放入冰水約 30 秒，等大頭蝦凍暈後，就可以放在爐上燒烤。
啲蝦非常生猛，大大隻，肉質鮮甜爽彈，入口啖啖肉，仲要隻隻都爆多蝦膏，真係令人食唔停口。
另外海鮮區亦有好多款唔同種類嘅海鮮供應，當中包括有鮑魚、蠔、扇貝、帶子，花螺及原條鮮魚等，全部都係任夾任食。
鮑魚肉質有嚼勁，入口鮮味彈牙，扇貝味道亦唔錯，肉厚飽滿，配上蒜蓉同蔥花，更加滋味！第一次自己動手燒魚，魚肉好鮮甜，外脆內嫰，配上調味料，香口惹味。
另外入座時，每位客人都會獲贈白鱔一串同雪花和牛一份。鱔肉好新鮮，爽脆 Juicy， 食落仲有油脂滲出。和牛色澤紅潤，雪花分佈均勻，燒香後入口即溶。
至於串燒區就有好多款唔同嘅肉類、丸類和蔬菜，推介原條五花腩、羊架和雞軟骨等。五花腩超級厚肉，層層分明；而羊架入口亦嫩滑多汁，帶少許羶味和脂香。
餐廳每日都會供應 8-10 款熟食，而呢日就有瑞士雞翼、蘿蔔牛腩、南乳豬手、蒜蓉粉絲蒸蝦等。
至於飲品方面，除左各式汽水同啤酒外，竟然連花茶，甚至清酒、梅酒都有得供應，CP 值超高。
最後當然要食埋雪糕、雪條同埋甜品先走，非常盡興。
Post
