Kopitiam Makan Makan (Closed)

行完奧海城又唔想係商場度食野，所以決定行過大角咀搵野食，因為而家大角咀都開左好多有特式既餐廳，行過呢間裝修有d懷舊feel既餐廳，比佢吸引左望下係食既，原來係食馬來西亞料理，仲有肉骨茶，一於試下
（由於太多相啦，餐牌另外upload左😃）

裡面既裝修都好懷舊，牆上面都貼左好多菜式既相同名，好彩我地黎果陣唔使等位，食食下就開始有人等位啦，呢度既食品都係自己係餐牌揀左自己想食既野，將食品既編號同數量寫哂係餐廳提供既點餐紙上面然後交比店員就可以

首先就叫左肉骨茶，呢度既肉骨茶都係免費添飲，上肉骨茶既時候店員都會解釋應該係點食，店員會比另外一隻碗仔倒肉骨茶比我地，首先就係飲左肉骨茶先，跟住就食入面既配料，每一枱都有黑豉油，頭抽，指天椒同蒜蓉，都係用黎點肉骨茶既配料

以下係二人份量既雞腳肉骨茶，總共有6隻雞腳，呢度既肉骨茶藥材味唔算好濃，岩哂頂唔順好濃藥材味既朋友，雖然藥材味唔濃，但飲完口入面都有回甘既味道，雞腳好大隻，點左醬油真係幾好味，不過如果腍少少就更加好啦

雞腳肉骨茶

$30

另外仲叫左豬手仔肉骨茶，$33，估唔到咁大碗，有成5-6舊豬腳仔，煮得都幾入味，又係再加少少醬油食，唔會好膩

豬手仔肉骨茶

$33

咖央多士又係食馬來西亞必點既，牛油再加一層咖央醬，咖央醬甜度適中，加上烘到脆卜卜既多士，雖然邪惡，但真係好好味

咖央多士

$20

呢個薄餅都唔錯，外脆內軟，配左2款唔同既咖哩汁，少少辣，但一定要襯熱食，凍左就冇咁好食啦

我知你啦薄餅

$40

我地仲叫左串燒，串燒有豬，牛，雞三種可以選擇，自由配搭，非常好呀，我地叫左2串雞肉一串牛肉，個人好欣賞呢度既沙嗲醬，香而不辣，帶甜，我仲攞左個醬黎撈飯食

馬拉沙嗲串燒

$40

招牌芽菜雞飯，雞肉全部起哂骨，值得讚賞丫，雞肉好滑，唔會一大陣雪味，黃薑飯都好香，飯既調味都做得好好

招牌芽菜雞飯

$63

飲品都有好多選擇，點飯，粉面類可以用優惠價叫飲品，我地點左美祿恐龍同埋馬來亞拉茶，美祿好足料，絕對唔會係落少少粉然後勁加糖水比你，再加埋面一層美祿粉，真係好有罪疚感呀

美祿恐龍

$18

拉茶既奶味好香，奶味雖然重，但都不失茶既香味

馬來亞拉茶

$13

成餐飯埋單每人都唔使$100，抵食又滿足

Tips: 建議2個人叫一個有配料既肉骨茶，因為配料份量都好多，我地每人叫一個都食唔哂