泰金鍋

Open Now

Now Closed

今次同豬弟黎觀塘呢邊搵放題食，見到呢間泰式火鍋放題加左新野有得夾活蝦🦐就去試下佢啦～我地簡左手切潮牛餐，可以簡主食先，有雞煲/烤魚，我簡左藤椒烤魚煲，然後就出去夾蝦，拎鮑魚，蜆，我本身自己夾，點知啲蝦超生猛呀，一夾就彈走，所以最後都係要豬弟幫夾😂藤椒烤魚煲超香！煎完既魚再加埋藤椒同汁去煮多陣個烤魚，魚肉更加入味😌手切潮牛餐啲牛肉都勁好食😋手切潮牛吊龍、匙仁、胸口爽、牛筋丸，我最中意匙仁同胸口爽🤤胸口爽勁香，又唔會好膩😆湯底一人一鍋，我要左冬陰功湯，豬弟要椰奶雞湯，我個冬陰公湯底加蝦同蜆落去，自製冬陰功海鮮湯，超鮮味呀😚