Video
Read full review
2010-04-07
28 views
是日, 同齋妹行行荃新天地, 順道為下次為食入新界既event, 攞攞資料. 當大家行到2點幾. 是時候要進食了. 由齋妹帶領之下. 來到呢間我好耐冇黎過既齋鋪, 寶蓮素食. 多年來, 呢間傳統齋都推出齋菜buffet, 上次來, 是食晚市的, 味道不錯. 現在午市食, 選擇一模一樣價錢就$48一位. 咁經濟抵食, 當然人頭湧湧啦. 而且, 我們被安排了坐在通過廚房同後巷之後既新翼. 不用多同老侍應講, 一手在點心紙上寫下$48x2, 表示兩個浦飛. 而我們肚餓, 先叫下點心兩份. 一個係呢度做得非常之好既咸水角, 另外是一般非素食者愛食的齋鹵味. 咸水角, 當然同有肉碎既咸水角有分別, 外皮咸咸地, 裡面甜甜地. 而且又唔油. 這裡的點心, 大部份是蘿蔔絲做出的餡料, 用在不同的點心上, 奇怪地, 可以出現不同的味道. 而這個, 剛好在素蝦餃, 同素潮州粉棵體驗到.齋鹵味, 好開心的食到不是馬虎製作, 味精不重, 味道不太濃, 咖喱根能夠有咖喱味而非純純的一個辣味. 素雞皮脆肉腍, 齋叉燒夠爽, 其他麵筋都能突出其醃料既味道, 不是純味精味. 幾好的.來了一些沙律. 係一間咁傳統既酒
不用多同老侍應講, 一手在點心紙上寫下$48x2, 表示兩個浦飛. 而我們肚餓, 先叫下點心兩份. 一個係呢度做得非常之好既咸水角, 另外是一般非素食者愛食的齋鹵味. 咸水角, 當然同有肉碎既咸水角有分別, 外皮咸咸地, 裡面甜甜地. 而且又唔油. 這裡的點心, 大部份是蘿蔔絲做出的餡料, 用在不同的點心上, 奇怪地, 可以出現不同的味道. 而這個, 剛好在素蝦餃, 同素潮州粉棵體驗到.
齋鹵味, 好開心的食到不是馬虎製作, 味精不重, 味道不太濃, 咖喱根能夠有咖喱味而非純純的一個辣味. 素雞皮脆肉腍, 齋叉燒夠爽, 其他麵筋都能突出其醃料既味道, 不是純味精味. 幾好的.
來了一些沙律. 係一間咁傳統既酒樓, 食沙律.....好似有點怪怪的, 但幾乎每一檯食浦飛的都有叫下呢個沙律. 齋妹愛吃, 我也吃一口. 這沙律, 簡單就是好味, 輕輕的沙律醬, 加了著仔, 青瓜, 紅蘿蔔, 簡單到非常簡單, 離開時經過廚房門口, 廚師弄一大盤沙律, 小心翼翼的調較, 不是求其家庭式的簡單製作, 弄這個沙律, 用醬份量, 一定要較得準, 不然, 味道一定會打折扣.
我們炒了一個粉麵, 沒有星洲炒米, 就米粉轉河粉, 來了一客炒貴刁, 味道比較清淡的, 鑊氣雖夠, 但因為沒有用蛋而始終覺得欠左少少野, 得個辣字, 沒有星洲米/貴刁的香. 算是普普通通啦.
最後是一個酸辣湯, 味道都幾濃郁, 不過, 也許是自己的口味問題, 始終覺得未夠酸, 未夠辣. 但只利用素食材料去製作, 已經是不錯的水準了. 湯用上豆腐, 素肉等材料, 說豐富不是豐富, 說簡單又非簡單. 若果酸多一點點, 味道更好.
menu上尚有很多東西可以叫, 奈何兩個人, 胃口有限, 若有一大班人來, 食足一圍. 任叫任食, 一定會試到更多好野. 看見另外有人散叫散點, 出來的食物質素同賣相更好, 應該是一分錢, 分貨呢一個道理吧, 不過, 浦飛的質素已經不差了. 又平又好食, 難怪場場full house.
Post
