星期一人唔算太多, 空間感多左, 坐都坐得舒服左!
麻醬蕃茄豆腐沙律 ($58)
港女去到邊都要叫沙律，每次都好有默契要食菜
基本上菜夠新鮮已經無得輸!
刺身五盛 ($280)
三文魚, 油甘魚 , 拖罹 , 帆立殼, 海膽
樣樣都肥厚鮮甜, 大大舊, 好滿足!
焱丸號壽司 ($158)
同朋友都想想有小小澱粉質落肚, 因為剩係食刺身同燒海鮮感覺會好膩
所以就另外再叫左焱丸號壽司
超巨型壽司! 有海膽, 吞拿魚茸同蟹柳絲, 最浮誇係配料多過飯
蟹味增甲羅燒 ($68)
星期一唔算太多人, 所以待應都幫我地燒, 唔洗自己落手落腳
超濃郁既蟹膏味, 唔會比味增搶晒風頭
反而係好夾既味道, 唔會好鹹!
海膽帆立貝燒 ($85)
松葉蟹膏帆立貝燒 ($80)
最後仲點左兩種好特別既帆立貝燒 ~
我就試左海膽帆立貝燒, 比較上無咁濃味
會保留多d帆立貝本身既味道
加上配料索晒海膽同埋帆立貝既味道, 超惹味!
