鍋心粥底火鍋 (德成街)

Open Now

Now Closed

之前食過唔同分店既鍋心，都覺得好食又抵食。同朋友食17:30嗰場，一坐低店員就問我地要粥底定豬骨湯打邊爐，但無論揀咩最後都會變粥。我地揀左豬骨湯。一開始佢上左一堆海鮮，有咩海鮮係set好左，會按人頭上，仲有個牌教你啲海鮮要煮幾分鐘，啲海鮮好新鮮, 啲蝦會係咁跳。食完哂啲海鮮就上其他野，以前只可以total揀8樣，而家可以揀12樣~ 最後食到咁上下，店員會問煮粥未，佢會拎一兜粥同啲配料加落個湯底一齊煮，我等左全晚就係等食粥。個湯底有哂啲海鮮味所以勁好味。但記住打邊爐既時候唔好係咁加湯，如果唔係最後個粥會好稀。另外必點手打雞軟骨丸，我地次次都會食~