Video
Read full review
2021-05-31
234 views
.📍 鬼混 𝚅𝚒𝚎 𝚆𝚘𝚗 𝚆𝚘𝚗..位於銅鑼灣糖街嘅餐廳，以鬼屋做主題👻 餐廳外面已經擺放咗好多古靈精怪嘅道具，入到去仲有大大小小嘅骷髏骨頭，有啲仲會吊住係天花板💀 店裡氣氛陰森恐怖，仿佛置身喺一間恐怖大宅進餐🕌.⚪️ 龍蝦湯配脆米伴海蜇頭珊瑚蚌 - HK$218✏️ 碟上面有5粒炸過嘅波波，外面係脆米，入面其實係飯。佢會另外配一壺龍蝦湯俾你自己倒入隻碟度😯 脆米一咬落去其實唔算脆，我哋覺得佢炸得硬咗啲，要咬好耐，而且佢都幾索龍蝦湯😥 不過龍蝦湯味道濃郁，份量唔少，而且都有啲龍蝦肉食吓😋 脆米隔離仲配咗少少海蜇頭同珊瑚蚌，不過其實完全俾龍蝦湯同龍蝦肉搶晒風頭，食食吓先記得原來有呢兩樣配料🤣.⚫️ 威靈頓白吞拿魚 - HK$328✏️ 廚師將威靈頓切開做兩大舊，店員送到上嚟嗰陣見到中間吞拿魚部分真係出晒煙👀 雖然我哋影咗一陣相，但係食嗰陣酥皮仍然保持到酥脆，而吞拿魚亦都鎖住到肉汁，唔會焗得太乾😋 吞拿魚加上蔥一齊食，中西合璧，係好得意嘅一碟菜式🤣 我幾鍾意呢碟☺️.⚪️ 西班牙牛肋骨 (32oz) - HK$588✏️ 我哋嗌咗大份嘅牛肋骨，menu話係二人份，不過其實份量真係好多，有大概10塊🤣
📍 鬼混 𝚅𝚒𝚎 𝚆𝚘𝚗 𝚆𝚘𝚗
.
.
位於銅鑼灣糖街嘅餐廳，以鬼屋做主題👻 餐廳外面已經擺放咗好多古靈精怪嘅道具，入到去仲有大大小小嘅骷髏骨頭，有啲仲會吊住係天花板💀 店裡氣氛陰森恐怖，仿佛置身喺一間恐怖大宅進餐🕌
.
⚪️ 龍蝦湯配脆米伴海蜇頭珊瑚蚌 - HK$218
✏️ 碟上面有5粒炸過嘅波波，外面係脆米，入面其實係飯。佢會另外配一壺龍蝦湯俾你自己倒入隻碟度😯 脆米一咬落去其實唔算脆，我哋覺得佢炸得硬咗啲，要咬好耐，而且佢都幾索龍蝦湯😥 不過龍蝦湯味道濃郁，份量唔少，而且都有啲龍蝦肉食吓😋 脆米隔離仲配咗少少海蜇頭同珊瑚蚌，不過其實完全俾龍蝦湯同龍蝦肉搶晒風頭，食食吓先記得原來有呢兩樣配料🤣
.
⚫️ 威靈頓白吞拿魚 - HK$328
✏️ 廚師將威靈頓切開做兩大舊，店員送到上嚟嗰陣見到中間吞拿魚部分真係出晒煙👀 雖然我哋影咗一陣相，但係食嗰陣酥皮仍然保持到酥脆，而吞拿魚亦都鎖住到肉汁，唔會焗得太乾😋 吞拿魚加上蔥一齊食，中西合璧，係好得意嘅一碟菜式🤣 我幾鍾意呢碟☺️
.
⚪️ 西班牙牛肋骨 (32oz) - HK$588
✏️ 我哋嗌咗大份嘅牛肋骨，menu話係二人份，不過其實份量真係好多，有大概10塊🤣 牛肋骨好香有肉汁😋 不過血水都好多，一路切血水一路滲出嚟🤣 雖然佢嘅份量唔少，但我哋食食吓都發覺佢有啲位好韌，完全咬唔到，仲有好多筋😥 所以食得有啲辛苦😢
.
⚫️ 水牛芝士氣球沙拉 - HK$128
✏️ 想打卡就要叫呢碟😆 上面嘅氣球其實係水牛芝士，食落去芝士味唔重，佢個menu都寫咗氣球係冇味嘅😯😂 而沙律嘅配料有生果、牛油果同幾塊煙三文魚，生菜都幾新鮮幾清甜😋 不過氣球漏氣都幾快，所以要影相真係要趁早😆
.
⚪️ 臘味鵝肝古斯米伴舞茸菇 - HK$228
✏️ 第一次食古斯米，其實一開始嗌都唔知係咩黎，所以憑住冒險嘅精神試吓🤣 之後search 翻原來佢另一個名叫中東米，由粗麵粉做成，形狀同顏色都整到好似米咁，係非洲西北部嘅主食😯 古斯米嘅口感好得意，唔似平時我哋食開嘅飯，感覺較輕盈，冇平時食開嘅飯咁飽肚😆 加上臘味嘅味道，係新奇嘅臘味飯🤣 鵝肝亦煎得外脆內軟😋
.
⚫️ 鵪鶉桂花卡邦尼烏冬 - HK$168
✏️ 我哋唔知仲可以嗌咩主食，店員就推介我哋試吓呢碟😋 雖然賣相上比起其他菜式冇咁特別，不過又真係幾好食😍 第一次食桂花加卡邦尼呢個組合，食落去甜甜哋，個sauce亦都好creamy，食完唔覺好漏🤤 仲有陣陣嘅桂花香，果然冇介紹錯🤤
.
⚪️ 藥膳冬蔭功 - HK$78
✏️ 呢碗湯望落去幾清，藥膳冬蔭功其實係肉骨茶mix冬蔭功，有少少中藥同香料，再帶啲酸酸辣辣嘅味道。湯料亦有配埋豬肉同雜菇，飲落去就係好fusion嘅感覺。不過我嫌肉骨茶嘅味太重，蓋過咗冬陰功嘅味，想飲冬陰功嘅我有啲失望 😢 而且碗湯太細碗，價錢亦太貴 😥
.
.
雖然餐廳做到好似鬼屋古堡嘅恐怖氣氛，食物擺盤都好精美，但係我哋都覺得食物質素參差，食物定價偏高，最後我哋埋單人均約$400，而且覺得性價比唔太高🥺
.
.
龍蝦湯配脆米伴海蜇頭珊瑚蚌
$218
8 views
0 likes
0 comments
威靈頓白吞拿魚
$318
15 views
0 likes
0 comments
西班牙牛肋骨 (32oz)
$588
18 views
0 likes
0 comments
水牛芝士氣球沙拉
$128
8 views
0 likes
0 comments
臘味鵝肝古斯米伴舞茸菇
$220
9 views
0 likes
0 comments
鵪鶉桂花卡邦尼烏冬
$168
7 views
0 likes
0 comments
藥膳冬蔭功
$78
6 views
0 likes
0 comments
Post
