Major & Minor (Moved) New Location

睇店名已經知道依間cafe以音樂做主題，天花板掛滿月亮球燈，好浪漫。其中一面牆貼上皺皺嘅琴譜，朋友笑說係咪店主以前不願練琴，發牌氣撕爛的琴譜。菜名好有心思，用大調(A major至E major)去命名。跟餐的泡泡蕃茄南瓜湯賣相吸睛，忌廉同南瓜味好重，蕃茄肉都好多，味道不錯。這個價錢有半隻波士頓龍蝦，誠意十足。龍蝦上面加上熱熔左的芝士，啖啖肉；扁意粉份量好多, 不過上碟唔夠熱，忌廉汁都不夠多，味道不過不失，伴碟有加上黑醋的沙律菜。依個中西fusion菜式夠奢華，肉眼扒好大塊，份量十足，肉質夠嫩，略嫌花膠煮得不夠腍，伴碟有沙律菜和炸蝦卷餅。是日甜品係抹茶雪糕，由客人自行將抹茶醬加落雲呢拿雪糕上，如果抹茶醬調得杰一點就更好。