丸十位於葵芳新都會4樓，人流極旺，未夠7點已經人山人海了。
等咗15分鐘左右就被安排入座，餐廳用餐區範圍極大，轉個彎仲有勁多枱，唔怪得等一陣就有得入！
絕大部分座位都係卡位，有綠茶粉同熱水壺，可以按自己喜好調較茶的濃度。
以精米為主題的餐廳，餐牌很有質感！
落單後5分鐘，幾乎黎齊所有嘢食，效率極高！
澳洲和牛烏冬 $138
和牛的色澤十分誘人，令人食指大動！烏冬幼身但不失嚼勁，雪白的魚湯頗為香甜，不錯！
海鮮刺身沙律 $98
蟹籽和白飯魚之下是大量的角切刺身，刺身份量算多，菜葉也很爽脆，配柚子汁十分開胃！
三文魚親子丼 $98
三文魚籽粒粒都咁飽滿，而且鮮味十足！三文魚刺身油份充足，肥美好吃！而個飯底粒粒分明，軟硬適中，米香四溢，不愧為主打，正！
自家製明太子玉子燒 $58
新鮮熱辣辣，蛋夠嫩滑而且味道濃郁，明太子的咸鮮味也很突出，推介！
冷抹茶紅豆拿鐵 $55
茶和奶的比例啱啱好，而且有紅豆和忌廉的加持，又香又甜又滑！
