赤橋拉麵 (Closed)

吃貨朋友病左但好掛住赤橋拉麵，好想食拉麵 lol 唔講唔知赤橋原來係彩既姊妹店😶朋友叫左呢個魚介豚骨拉麵，我冇試味，因為佢病左嘛~🙈不過朋友話味道都ok。至於我已經第二次黎食，我覺得係屯門黎講算一間唔錯既拉麵，不過自從有報紙介紹就要排隊食，仲記得初開時可以隨便坐😭希望下次同朋友黎時恢復開張當時光景唔使排啦😢今次黎赤橋拉麵食佢既沾麵，上次食拉麵~ 今次同樣都係叫海老豚骨湯頭，但原來味道有分別，沾麵湯底蝦味較濃，都比拉麵湯底鹹啲，鹹啲對於我黎講味道岩岩好。兩者湯都有肉粒調味，湯底鮮上加鮮😁叉燒肥肉比上次多啲啲，好在唔係肥腍腍，唔係我應該會怕怕。叉燒肉軟腍帶點肉香，玉子糖心度一般，期待下次會更好味。