五要素食堂 (Closed)

今日同朋友去尖沙咀行街, 行經The One時見到呢間日式西餐廳 -「五要素食堂」, 仲以為係間素食餐廳, 睇真d 原來係五個「要素」嘅餐廳, 差啲俾佢呃到我地叫咗一份薯條同一個pizza share 食。蟹肉味醬薯條 薯條上枱時熱辣辣, 每條薯條都沾到紫菜粉, 香脆不油, 最精髓原來係個蟹肉味醬, 沙律醬中加入咗鮮甜蟹肉碎, 沾醬食, 啖啖提鮮, 超正!瑪格麗塔pizza 9" Pizza芝士味香濃, 仲有拉絲效果, 麵團採用自家製味噌麵團, 令餅底鹹鹹香香,香脆又有層次豐富。除咗芝士味, pizza仲有車厘茄, 一咬爆汁, 酸酸甜甜, balance 番鹹香嘅芝士味。