Video
Read full review
2009-06-03
9 views
我一向唔多鍾意食中餐，覺得好油及太濃味，而環境永遠好嘈。今次男友想改變我的想法，就帶我食這間中菜。入到去，登記的小姐非常有禮貌，之後上二樓，地方唔算太大，但裝修新，感覺很舒服及乾淨。當我正睇緊叫邊款特價小菜時，男友二話不說叫了鮑魚海參龍蝦套餐。有蟹黃魚翅羹、炆鮑魚海參，夠入味但唔梅，幾好味。仲有粉絲蒸半邊龍蝦，唔知點解我食的半邊肉梅梅地，同經理講即刻換過，好細心。我最鍾意就係木耳上湯菜，清清地中和番。最後甜點是杏汁燕窩，真係食到一條條燕窩，甜度適宜，非常欣賞。已經好飽，但男友再叫多兩個壽包，我擔心好大個，好彩似平時酒樓食的蓮蓉包size，但包面好鬆軟。這一餐食得好休閒，逐樣菜上，唔似平日一大堆在枱面，而且環境唔嘈可以傾計，真是令我對中菜館改觀不少。下次有機會再去試特價小菜，男友話以前冇特價小菜，可能金融海嘯至有，但見隔離枱的小菜都幾靚，應該ok，可以試下!!
入到去，登記的小姐非常有禮貌，之後上二樓，地方唔算太大，但裝修新，感覺很舒服及乾淨。
當我正睇緊叫邊款特價小菜時，男友二話不說叫了鮑魚海參龍蝦套餐。有蟹黃魚翅羹、炆鮑魚海參，夠入味但唔梅，幾好味。仲有粉絲蒸半邊龍蝦，唔知點解我食的半邊肉梅梅地，同經理講即刻換過，好細心。我最鍾意就係木耳上湯菜，清清地中和番。最後甜點是杏汁燕窩，真係食到一條條燕窩，甜度適宜，非常欣賞。已經好飽，但男友再叫多兩個壽包，我擔心好大個，好彩似平時酒樓食的蓮蓉包size，但包面好鬆軟。
這一餐食得好休閒，逐樣菜上，唔似平日一大堆在枱面，而且環境唔嘈可以傾計，真是令我對中菜館改觀不少。
下次有機會再去試特價小菜，男友話以前冇特價小菜，可能金融海嘯至有，但見隔離枱的小菜都幾靚，應該ok，可以試下!!
Post