賣相都ok，好香粟米湯，烏冬配粟米湯，顯得濃郁香滑，平時就咁食湯烏冬會因為滑嘟嘟所以彈到d湯周圍都係，不過配上粟米湯就彈得咁誇張~~不過下次我再食嘅時候一定要一啖烏冬一啖湯，唯一係烏冬嘅份量真係好似少左d，唔多夠飽。
粟米份量都算多，不過面頭嘅粟米開頭食嘅時候好有啱啱喺罐頭「筆」出黎嘅feel，要浸下d湯先好食d，不過，當然再放多d就更加good啦~~
主菜我要左雞扒，雖然好多食評都話配雞扒唔多夾，但個人覺得配牛好似仲怪，所以都係叫雞扒，好大舊，雖然得3件，但同平時食煎雞米嘅份量差唔多，係唔夠咪，同埋應該分開上會好d~~
粟米湯，個人認為味道啱啱好，食完烏冬後有諗過好唔好齋飲個湯，最終都有一嘗味道，飲落好有冬天日本街頭販賣機嘅罐頭粟米湯feel，所以我都飲左大半碗~~
